Онлайн түрде веб-семинар арқылы республика көлемінде «Өркендеу» жобасы жүзеге асырылуда.
⠀
25 мамыр күні "Өркендеу" жобасының веб-семинары өтті. Іс-шараға белгілі журналистер, мектеп директорлары, ЖОО профессорлары, оқушылар, ата-аналар, үкіметтік емес ұйым басшылары қатысты.
⠀
Семинарды «Жас Ұлан» бірыңғай балалар мен жасөспірімдер ұйымы» РҚБ, «Білім беруді жаңғырту орталығы», «Nur Otan» партиясы жанындағы «Jas Otan» Жастар қанаты, «Алдаспан» батырлар қоры ұйымдастырды.
⠀
Семинар барысында «Рухани жаңғыру» бағдарламасы аясында жас ұрпақтың бойында отбасы құндылықтарын қалыптастыру мен дамытуға бағытталған «Өркендеу» жобасының маңыздылығы, жобаның іске асырылу барысы, оның ішінде ұлттық тәрбие мектептері жұмыстарының нәтижелері таныстырылды.