Нұр аға
Біз жастар болашаққа сенеміз,
Кемеңгер Елбасына ереміз.
Болашақтың айқара ашып есігін
Елбасымен келешекке жетеміз.

Сіз сияқты алып туар алыптан,
Алып дала бір перзентке зарыққан.
Халы жүгін көтерем деп иыққа,
Айтқан жоқсыз үлкенмін деп халықтан.

Ең ақырғы үмітіндей таңдағы,
Қабыл болып қазағымның арманы.
Алдыңызға ақ батасын жайып сап,
Сізді халқым бір ауыздан таңдады.

Дүр сілкініп дүниенің алабы,
көне түрік даласына қарады.
Көзі түсіп Алашыма Алланың,
Сізді елім шын пейілмен қалады!

№102 орта мектеп оқушысы Етіш Серікқали

Елбасы
Елі үшін ерен туған Елбасы,
Халқы үшін кемел туған Елбасы.
Өз жұртым деп, өз ұлтым деп тұратын,
Дара тұлға, жарық сәуле Елбасы.

Осылай деп бала жүрек соғады,
Көшбасшыны, Елбасшыны көргім келіп тұрады.
"Қазағым" деп соққан жүрегімен
Мендік жүрек қосыла соғып тұрады.

Өтті талай ауыр күндер қаралы,
Аңдыған жау осал тұстан бас салады.
Талай жылдық қиындыққа дес бермеген,
Қазағым азаматтыққа қол созады.

Әр таңда күн шығады шуақ шашқан,
Әр үйде ана отыр бала құшқан.
Ал елде төрінде тұр Елбасымыз
Әр ұлтқа дос болуға құшақ ашқан.

Міне, мен осылай деп жыр жазамын,
Өнер мен білім түбін мың қазамын.
Алаңсыз өз елімде осіп келем,
Сенім артып Елбасына ел таныған.
№102 орта мектеп оқушысы Бекназарова Перизат

Елбасына арнау
Көтердіңіз мәртебесін қазақтың,
Сіз дүниеге келген күн - ең ғажап күн.
Мақтанамын бар әлемге жар салып,
Мақтанамын, мен себебі қазақпын!

Сөздің шыны керек қой тек, анығы
Өркендеді Қазақстан, дамыды.
Дана, көсем Елбасының арқасы
Қазақ елін бүкіл әлем таныды.

Кең пейілді, ақ жүректі Елбасы,
Сізді әркез бір жаратқан қолдасын.
Қазақ елін биіктерге котердің
Бақыт, еңбек, қайрат болсын жолдасың.

Азат елде еркін ойнап күлемін,
өзіңізді үлгі тұтып жүремін.
Елмен бірге мәңгі жасай беріңіз
әр қашанда мақтан тұтып жүреміз.