Жасай бер елім

Тәуелсіз елім азуын айға балаған,
Көне түріктің ұрпақтарынан тараған.
Төрт құбылаң түгелденді бүгінде,
Алып елдермен тайталасуға жараған.

Кемеңгер басшы – Нұр-ағамыз да ерледі,
Елі үшін күйіп, халқы үшін ол да терледі.
Тар соқпақтардан қиналмай өтіп еліміз,
Тәуелсіздіктің асқақ тауына өрледі.

Сүйеді елін аппақ жүректі халқың да,
Сондықтан биік, әсем алдында даңқың да.
Бәсекелес боп қарсыласқанмен әрбір ел,
Шаңыңды жұтып қалады сенің артыңда.

Қарышта, самға,
Баса бер алға,
Жасқанба,
Қыран құстай бол көз жетпес биік аспанда!
Жеңіс әперер көрнекті әр іс бастарда,
«Алға, қазақ!»-деп,сенім арт біздей жастарға!

Ералиев Байжан 10-сынып оқушысы